तिमीलाई म दुख्नेछु, मलाई तिमी दुख्नेछ।

कुनै दिन तिमीलाई म दुख्नेछु
अनि मलाई भने तिमी दुख्नेछ।

धुमिल हुँदै गर्दा मेरा आखाहरु
तिम्रो मुटु पोल्ला; गला सुक्नेछ।

अहंकारले ठडिएको तिम्रो शीर 
ग्लानीले वा पश्चतापले झुक्नेछ।

मैले तिमीमा देखेको म आकृति 
अधेरीमा मेरै छाया झै लुक्नेछ।

म बेरङ्गले पोतिएर उदासीन हुदा
म मै नरही मेरो धड्कन रुक्नेछ।

-अनिश्चित

तेरो मुद्दा मेरो गुहु।

नेपालको एउटा सच्चा सपुत हर्क। 
अघिअघि बढ दाजु पछाडी नफर्क। 

जागृत बनाउनु छ नेपाल; धरान जस्तै
समृद्धि शान्ति र श्रमदान अभियान छर्क। 

काम गर्न दिदैनन् भाँजी मात्र हाल्छन्
"तेरो मुद्दा मेरो गुहु", बडो सटिक तर्क। 

तल्लो निकायको साथ हुन्न, रिसै उठ्दो
तैपनी संयम हुन्छन् दाइ, कहिल्यै नझर्क। 

श्रमदान्-श्रमदान तिम्रो एउटै मुल मन्त्र
खुट्टा तान्ने टन्नै भेटिन्छन्, हुनुछ सतर्क। 

भ्रष्टचार र व्याभिचारले गाँजेको छ देश्
बनाउनु छ फेरी स्वर्ग मिली बालेन हर्क । 

रचना: ज्योति अनिश्चित 
धराने मेयर हर्क राइमा समर्पित