धड्कन बिन्ती बताउनु है

एउटा प्रश्न सोध्छु धड्कन बिन्ती बताउनु है ।
नराम्रो सोच्दिन होला केही नलुकाउनु है ।

साँझपख मेरो पनि फुर्सद हुन्छ सदाजसो
नित्यकर्म सकेर एकैछिन अनलाईन आउनु है ।

मलाई मिठो झुट भन्दा तितोसत्य मनपर्छ्
त्यसैले सत्य भन्न कहिल्यै नहिच्किचाउनु है ।

म तिमीलाई प्रेम गर्छु  तिमी तिम्रो खुशी
तर पनि मिल्छ भने माया लगाउनु है ।

अपवादमा रमेको छु अपवादमै रम्न देउ
तिम्रो साथ पाए ठिकै छ नभए हटाउनु है ।

मेरो पनि मुटु हो धड्किदिन्छ तिम्रो लागि
तिम्रै खातिर धड्किने मुटुलाई नसताउनु है ।

सहिष्णुता भए पनि परिक्षा नलिनु कृपया
असह्य होला गह टिलपिल चित्त नदुखाउनु है । 

प्यारबाट तेरो घरबार हुँदैन ।

एकतर्फी मात्र प्रेमको सार हुँदैन ।
मौनता भन्दा ठुलो हतियार हुँदैन ।

कसैसँग प्रेम र विस्वाश छ भनेपछि
देखाइन्न सब तिनको आधार हुँदैन ।

मैले प्रेमबाट टाढै बस्ने अठोट गरेँ
हुँदैन कदापी अब मेरो प्यार हुँदैन ।

हिजै ज्योतिषीकहाँ हेराउन गइरथेँ
भन्दैथ्यो प्यारबाट तेरो घरबार हुँदैन ।

मैले भने कसैसँग गहिरो प्रेममा छु
तेरो दिवासपना हो साकार हुँदैन ।

ज्योति खतिवडा
२०७४-०३-१६

प्यारो लाग्न थालेको छ ।

तिम्रो सम्झना साच्चै प्यारो लाग्न थालेको छ ।
तिमी बिना जिन्दगी अध्यारो लाग्न थालेको छ ।

तिम्रो सालिनताले मलाई मोहित बनाएपछि
तिम्रो मौनता भने सानु तगारो लाग्न थालेको छ ।

मैले माया दिइराखे स्वंय मायाको भिख मागे
तिमी भने दिंदैदिन्नौ उधारो लाग्न थालेको छ ।

चोखो माया तिम्रो लागि मन पनि वदन पनि
तिम्रो चाह भुलाउन भने गाह्रो लाग्न थालेको छ । 

चित्त दुखाएछु ।

कसैलाई माया गरेर चित्त दुखाएछु ।
तिमी तिर प्रीत सारेर चित्त दुखाएछु ।

साच्चै चोखो मनले प्रेम गरेको थिएँ
अब आफ्नै मन मारेर चित्त दुखाएछु ।

म तिम्रो प्रेम जिवनमा तगारो बन्दिन
मेरो प्रेम देखी हारेर चित्त दुखाएछु ।

पिए मदिरा मनलाई भुलाउन चोट
तिमीसँग आफुलाई बारेर चित्त दुखाएछु । 

तिमी शबनम भैदिए ।

जिन्दगीमा तिमी मेरो सनम भैदिए ।
उषामा धरतीको तिमी शबनम भैदिए ।

करुणाकी धनी तिमी मृदुभाषी मायालु
म माया लाउँथे तिमी पुनम भैदिए ।

यही जन्ममा कामना तिम्रो हुनपाउँ
तिमीनै हुनु मेरो अरु जनम भैदिए ।

म सधै घायल मुटु लिइ आउँथे होला
अस्पतालामा यदि तिमी मलम भैदिए ।

तिम्रै वर्णनमा महाकाव्य लेख्थें होला
स्वंय मसी अनि तिमी कलम भैदिए । 

भुल हुनेछ ।

कसैलाई आफ्नु दिल दिँदा भुल हुनेछ ।
तिम्रो निष्दाग प्रेम मैलिँदा भुल हुनेछ ।

अफावसिद्द हुन्छ प्रेम बुझ्नेले नबुजेसी
आधाबाटोमै प्रेमकथा सकिदा भुल हुनेछ ।

सम्भव नहुने सम्बन्धलाई नबढाएकै बेस
अनावश्यक रुपमा चिन्ता लिँदा भुल हुनेछ ।

अनेकौं वहानामा उनलाई भेट्न आइरथेँ
फेरि उनैलाई नभेटी लिदा बिदा भुल हुनेछ । 

विवेचनामा कुरा भो ।

सधै संक्षिप्तमा कुरा हुने
आज विवेचनामा कुरा भो ।
अतितमा बिताएका तितामिठा ति
सम्झनामा कुरा भो ।

थाहा छैन तिम्रो मनमा
कोछ भनि, मेरो मनमा तिमी
तिम्रो सुन्दरता,शालिनता,निश्चलताको
गहनामा कुरा भो ।

सोच्यौ होला देख्दै नदेखी
कसरी प्रेम पलायो भनी ?
प्रतिप्रश्न-दिनैपिच्छे भेट्दा प्रेम हुन्छ ?
भावनामा कुरा भो । 

र पो मायाको अनुभुती गरेँ ।

समिपमै आएर बस्यौ र पो मायाको अनुभुती गरेँ ।
परस्परमा फेरी हाँस्यौ र पो मायाको अनुभुती गरेँ ।

नारी गुण सम्पन्न बाल्यकाल देखी साथै तिमी सपु
श्रेणी उचाइमा पस्यौ र पो मायाको अनुभुती गरेँ ।

स्फटिक झै पारदर्शी तिम्रो व्यवहार र बोलीवचन
ठानी हृदयमै कस्यौ र पो मायाको अनुभुती गरेँ । 

मुसलमान मन पर्छ ।

भन्छौँ देशको स्वभिमान मन पर्छ ।
अनि आफ्नै आत्मसम्मान मन पर्छ ।

जबदेखी आफ्नैभाषीले तिरस्कृत गरे
तबमात्र देशका मुसलमान मन पर्छ ।

निक्कै प्यारो हुन्छ मानिसलाई उसको
नपरुन्जेल आफ्नै अभिमान मन पर्छ ।

पाएमा आँखा गड्छ सदा आरुकोमै
नपाएसी मात्र आफ्नु सामान मन पर्छ ।

ज्योति खतिवडा
कनपा १
२०७४-०३-१०

मेरो घर सखाप भयो ।

न उनको घरमा न मेरो घरमा करकाप भयो ।
भयो त उनको र मेरो प्रेमिल वार्तालाप भयो ।

मदहोशी भएँ होला तर दोषी कहिल्यै भइन
त्यस्तो दृढ बिस्वास भरोशा अनि छाप भयो ।

मैले प्रेम गरेर पनि साँचो माया पाउन सकिन
सायद मेरो जिवनमा तिम्रो माया अफाप भयो ।

त्यता दुलही बन्दै गर्दा यता मनमा राँको बल्यो
तिम्रो घर बनिदै गर्दा मेरो घर सखाप भयो ।

ज्योति अनिश्चित ।
२०७४-०३-०९

तकदिरको कुरा भएन ।

खुसीसाथ नबोल्ने प्रण भो पीरको कुरा भएन ।
जबरजस्ती यो गर भनेँ तकदिरको कुरा भएन ।

मैले भरोशा दिलाएँ आफ्नो आत्मा हो ईश्वर
नपुज्नु भौतिक कुनै ढुङ्गा मन्दिरको कुरा भएन ।

तिमी कतै घुम्दै जाँदा भेट्टाएथ्यौ ज्योतिलाई
नसम्झिनु अब कहिल्यै मुसाफिरको कुरा भएन ।

जुन काममा आफ्नो बौदिकता झल्किदैन नि
लाग्छ त्यो प्रदर्शनी जहाँ शरिरको कुरा भएन ।

जुन सल्लाहको वास्तै हुँदैन आफुखुशी गर्छन भने
म रहुँ वा नरहुँ तिम्रो साथ ,हाजिरको कुरा भएन ।

समर्पण-
रचना- ज्योति अनिश्चित । 

हेर्न मन लाग्यो ।

पुनम तिमी राम्री तिम्रो चरित्र हेर्न मन लाग्यो ।
कोही छ कि तिम्रो मनभित्र हेर्न मन लाग्यो ।

मैले जानेको पुनमलाई यसरी वर्णन गरौं कि ?
तिमी निस्चल अनि पवित्र हेर्न मन लाग्यो ।

मानिसको व्याक्तित्व उसको संगतमा भर पर्छ
किन किन तिम्रा इष्टमित्र हेर्न मन लाग्यो ।

तिमीसँग ख्यालठट्टामै गहिरो प्रेम बस्यो कि ?
छापिएको मुटुमा तिम्रै चित्र हेर्न मन लाग्यो ।

ज्योति अनिश्चित
रचना २०७४-०३-०७ 

पिडा अधिक हुन्छ ।

आजकल जिवनमा पिडा अधिक हुन्छ ।
हाम्रो दुइ दिल बिनातार जडित हुन्छ ।

यो झुटो संसारमा झुटो नै सही मानिन्छ
हुबहु साभार पनि आफ्नै मौलिक हुन्छ ।

लाग्छ यी चक्षुले सही गलत छुट्ट्याउदैन
जस्लाई गलत बुज्छु ,ऊ सरिफ हुन्छ ।

म यस्तो खेलको खेलाडी भएछु याँहा
न समयसिमा हुन्छ न हारजित हुन्छ ।

भावनामा बहकिएर गजल लेख्न खोज्छु
न भाव हुन्छ न काफिया-रदिफ हुन्छ ।

२०७४-०३-०३
ज्योति अनिश्चित । 

तनावै तनाव छ ।

भात्ता तलव नभएर होला, तनावै तनाव छ ।
दौलत वैभव नभएर होला, तनावै तनाव छ ।

दिनभरिको थकाइ धुलो र धुँवा काठमाडौंमा
नविन उत्सव नभएर होला, तनावै तनाव छ ।

किताबको अक्षरसँग कहिल्यै मित्रता गाँसिएन
सायद सम्भव नभएर होला, तनावै तनाव छ ।

यो उमेरसम्म यस्तै भो, कुन चराको नाम हो ?
लभ सब नभएर होला, तनावै तनाव छ ।

ज्योति_अनिस्चित 

पुजाकै लागि भनेर

पुजाकै लागि भनेर बोकेकी छौ थाली हातमा ।
नझुकाउ शिर लाजले खाली सिउँदो माथमा ।

मनमन्दिरको दहिलो उघारी हेर त थाहा हुनेछ
दावा गरी भन्न सक्छु उ हुनेछ हरघडी साथमा ।

हालत मेरो नाजुक भयो एकतर्फी माया लाएर
लगाइदेउ न माया सानु यो सुनौलो प्रभातमा ।

ज्योति अनिश्चित
२०७४-०२-२६
झापा । 

मेरै थियो ।

अरुको भन्दा पृथक चाह मेरै थियो ।
आरोह अवरोहमा सल्लाह मेरै थियो ।

तिमी जुन कारणले छट्पटिन्छौ हेर
पिडा तिमीलाई होला औडाह मेरै थियो ।

म आकाशको विशालता नापुँला तर
नाप्न सकिन्न माया अथाह मेरै थियो ।

तिम्रो मुटुमा भएको रक्तसंचारहरुमा
धड्कन तिम्रै होला प्रवाह मेरै थियो ।

ज्योति अनिश्चित
२०७४-०२-२६
झापा । 

जय नेपाल , जय देश ।

बामपन्थिहरुको गण फुटाउनु छ हजुर ।
काँग्रेसको बहुमत अब जुटाउनु छ हजुर ।

" मेरो एक भोटले के हुन्छ र ?" हैन
सबै मिली समाजवाद उठाउनु छ हजुर ।

खोक्रो आडम्बरमा समाज चल्दैन अब
आडम्बरीबाट समाज छुटाउनु छ हजुर ।

जय नेपाल , जय देश ।
सबै अटाउने काँग्रेस ।