यो मन लान पाए टाढा यो कोलाहलबाट ।
सधैभरीको दिग्दारी अनि यो खलबलबाट ।
हिजोसम्म म विश्वासीपात्र भएँ नि आखिर
बिश्वास हराएछ मबाट आज मेरै बगलबाट ।
नबोलेमा विरक्त बोलेमा आसक्त यो कलिमा
उपमा दिइयो जब बद्लियो ऊ चन्चलबाट ।
मन अशान्त रह्यो खोजे शान्तिको फिलिङ्गो
पाइन सगरमाथाशिन्धुमा पाइन वरपिपलबाट ।
म अब अनुसन्धान गर्छु उसको पागलपन
सायद सबैको हल भेटिन्छ कि त्यो पागलबाट ।
No comments:
Post a Comment