माया मुटुभरी सानु ।

थाहै नपाइ तिमीले चोरेछौ मेरो निदरी सानु ।

आँखाअघि तिमीलाई नै देख्छु वरिपरी सानु ।

तिमीसँग बोल्न थाले भोकप्यास सब बिर्सन्छु

तिमीसँग प्रेममा परेछु म भन कसोगरी सानु ।

लोलाएका आँखाले नि तिमीलाई नै देख्छन्

ओठले वर्बाराउँछन् तिम्रै नाम घरीघरी सानु ।

तिमी जुन रहर बोकी ममा बाँधिन आयौ

पुर्याउँ कि रहर पुरा नाता अजम्बरी सानु ।

चिरेर देखाउँ कि ? मुटु, धमनी र शिराहरु

छ तिम्रो आकृती अनि माया मुटुभरी सानु ।