कि त नजाती हुन्छ।

एक दिनको घाती सधैंको घाती हुन्छ।
दु:खमा साथ दिने एउटा साथी हुन्छ।

दिनमा त्रास र बेचैनको जिन्दगी बाँच्छु
एकाग्र त आखिर सुन्सान राती हुन्छ।

छियाछिया भएको छाती देख्दैन कोहि
RMR को मान ९० त मेरो छाती हुन्छ।

तिमी सोच्छौ होला कति मोज छ भनि
ताप छाप र राप जहिल्यै माथी हुन्छ।

अनिश्चित यो जिन्दगीमा ज्योती
कि जाती हुन्छ कि त नजाती हुन्छ। 

जिवन ज्योतिर्मय थिएन ।

ज्योति नाममा थियो, जिवन ज्योतिर्मय थिएन ।
आफ्नै जिन्दगी पनि आँफैलाई निश्चय थिएन ।

कहिले लेखेँ जीतको कथा कहिले गाएँ पिरव्यथा
जीतको नारा गुन्जिन्थ्यो जहाँ विजय थिएन ।

रिक्त मेरो मुटु थ्यो जहाँ माया बाढ्दाबाढ्दा
भित्रैबाट रित्तिएछु मुटुमा केही सन्चय थिएन ।

हिजोसम्म जीवन निराश थियो मन उदास थियो
सायद परिचय तिमीसँग र तिम्रो उदय थिएन ।

ज्योति अनिश्चित
२०७४-०१-०७

थोरै भए नि तिम्रो प्रीत पाउन सक्छु कि ?
माया केवल तिमीसित लाउन सक्छु कि ?

तिमी रचना, तिमी कविता ;कविमन मेरो
तिमीलाई स्वयं बनाइ गीत गाउन सक्छु कि ?

मायामा हुन्न हार ;हुन्न प्रतिस्पर्दा कहिल्यै
मायालुहरुको हुन्छ जीत आउन सक्छु कि ?

थाम्नुपर्छ हात कसैको चलिआएको परम्परा
जोगाउन त्यही रीत समाउन सक्छु कि ?

ज्योति अनिश्चित
सुरुङ्गा झापा । 

अनमोल छ भन्छन्, प्यार गजबको।
बुझीनसक्नु यसको, सार गजबको।

आखिर किन आफै पर्छन् थाहा भएनि
जीउनु न मर्नु पार्ने, धार गजबको।

म किन लाउँथे माया जीत हुन्नथ्यो भने
हारेर पनि रमाउँदैछु, हार गजबको।

कस्तो हुन्छ सच्चा कस्तो कच्चा माया
अनौठो यो बन्धनको, तार गजबको ।

मुटु दुख्दा आँखाहरु रुझाएर रोएँ ।
मुटु फाट्यो,सिलाएँ अनि जुझाएर रोएँ ।
मेरो जस्तै मुटु होला मेरो जस्तै माया पनि
बुझ्दै नबुझ्ने मनलाई फेरी बुझाएर रोएँ ।

जब देख्छु झापाको चित्र यो मन कहाँ आड्छ र ?
अनि देख्छु माइखोला पवित्र यो मन कहाँ आड्छ र ?

यो उराठ भुमिबाट कहिले उन्मुक्ती पाउँछु होला ?
सम्झिन्छु बालापनका मित्र यो मन कहाँ आड्छ र ?

सम्झिदैछु त्यो पारीको फाँटमा तिमी र म खेलेको
निस्चल र अबोध बालचरित्र यो मन कहाँ आड्छ र ?

तिमी लाख प्रायत्न गर काठमाडौं मानचित्र राख्नलाई
झापा हुन्छ सदा मनभित्र यो मन कहाँ आड्छ र ?

ज्योति अनिश्चित
२०७३-१२-१०

मनभित्र के छ सानु
केही बोल न
मनभित्रको गाँठो तिमी
सबै खोल न
सानु केही बोल न ।

तिमी हाँस्दा जगत् हाँस्थ्यो
आज के भो र
गगन पनि धुम्म छ है
आज के भो र
मुहार पनि फुङ्ग छ है
आज के भो र

मनभित्र के छ सानु
केही बोल न
मनभित्रको गाँठो तिमी
सबै खोल न
सानु केही बोल न ।

निश्चल ति नयनले
केही बोल्दै छन्
झिमझिम गर्ने परेलीले
केही खोल्दै छन्
मनको आँधी शान्त पारी
मुख खोल न


मनभित्र के छ सानु
केही बोल न
मनभित्रको गाँठो तिमी
सबै खोल न
सानु केही बोल न ।

त्यो मनमा घाउ भए
यता दर्द हुन्छ
मुहार त्यो फिक्का भए
यता मन रुन्छ

मनभित्र के छ सानु
केही बोल न
मनभित्रको गाँठो तिमी
सबै खोल न
सानु केही बोल न ।

गुलाबी ति ओठहरु
किन खोल्दिनौ
के कुराले चित्त दुख्यो
किन बोल्दिनौ
मनभित्रको गाँठो तिमी
किन खोल्दिनौ

मनभित्र के छ सानु
केही बोल न
मनभित्रको गाँठो तिमी
सबै खोल न
सानु केही बोल न ।


ज्योति खतिवडा अनिश्चित
सुरुङ्गा झापा नेपाल ।
हाल काठमाडौ ।

तिम्रो मायाको अभावमा खडेरिमा परेको छु जस्तो लाग्छ ।
तिम्रो नजरदेखी जानीनजानी तल झरेको छु जस्तो लाग्छ ।

मन  थिएन  समी  तिम्रो  चित्त  दुखाइ  आँशु  बगाउने
भुलबस  केही  कुरामा  गल्ती  गरेको  छु  जस्तो  लाग्छ ।

खुशी  रोपेँ  दु:ख  फल्छ ,  हाँसो  रोपे  आँशु  प्रिया
खुशीको नभइ आशुँरोदनको बिज छरेको छु जस्तो लाग्छ ।

तिमीसँग  मुटु  थियो मेरो अब  रक्तसंचार  रिक्त  भयो
मानौ तिम्रो बियोगमा म पलपल मरेको छु  जस्तो लाग्छ ।

समर्पित
ज्योति अनिश्चित
‎२०७३-१२-२४

माया र प्रेम अब प्रतिबन्द लगाउँछु ।
जब आफ्नै आवाज म बुलन्द पाउँछु ।

तिम्रो आदर सम्मानमा दाग लागेछ
तब प्रेमको परिभाषा नि मन्द पाउँछु ।

म के भनुँ तिमीलाई शब्द भेट्टाइन
निस्वार्थमा मायामा स्वार्थको गन्ध पाउँछु ।

ज्योति अनिश्चित
२०७३-१२-२३ 

नलुकाएरै सबै सामु एउटा कुरा भन्न सक्छु ।

 मुना हुनु तिमी मेरि, मदन तिम्रो बन्न सक्छु ।

आस्था अनि भरोशाको ईटाहरु थप्दै सानु

चार कोठे घर बनाइ खुशीहरु गन्न सक्छु ।

रङ्गाइ तिम्रो सिउँदो सानु,बिघ्नहरु पन्छाउँदै

यहाँदेखी कोशौसम्म बाटो आँफै खन्न सक्छु ।

                                उही तिम्रो

ज्योति खतिवडा अनिश्चित ।

२०७३-१२-२२

मन भारी थियो उसै परेली धमिलो बनाइदिएँ ।
उसका फगत पाइलाहरु गहकिलो बनाइदिएँ ।
खोज्दैथियो उसले केवल मसंग टाढिने बाहाना
मैले पनि रिसाएर उसलाई सजिलो बनाइदिएँ ।

आजभोलि लाग्छ आँफै उडेको खरानी भएको छु ।
लाग्नसक्छ तिमीलाई पनि जो बेइमानी भएको छु ।
थाहा थियो यस्तै झुटले आँफैलाई हानी गर्छ भन्ने
आखिरी तिम्रो नजरदेखी तल जानीजानी भएको छु ।

ज्योति अनिश्चित
१२-२०-२०७३

नयनहरुलाई रुझाएको छु सानु तिम्रो यादमा ।
कैँयौ खुशीहरु लुटाएको छु सानु तिम्रो यादमा ।
जति बिर्सौं भन्छु उति आइदिन्छ, याद तिम्रो
भुलाउन हिम्मत जुटाएको छु सानु तिम्रो यादमा ।

ज्योति अनिश्चित
२०७३-१२-११

भुल थ्यो प्रिया फुललाई निमोठी पत्थरलाई पुजेछु ।
तिमीलाई संसार मान्दै गर्दा गाउँघरलाई भुलेछु ।
म निशब्द रहेँ जुन बेला शब्दको खडेरी पर्‍यो
रङ्ग तिमीले फेर्यौ सायद मैले उभयचरलाई बुजेछु ।

ज्योति अनिश्चित
२०७३-१२-१०

शुसुप्त थ्यो प्रेम मेरो दायाँ छातीले नि थाहा पाएन ।
दिवा स्वपना बुन्दा बुन्दै रातीले नि थाहा पाएन ।
फुलको बदलीमा पत्थरको प्रहार यसरी भयो कि
म मुर्छा परेको आडैको साथीले नि थाहा पाएन ।

ज्योति खतिवडा अनिश्चित
२०७३-१२-०९ 

आफ्नो मन आँफैलाई भारी हुँदै छ ।
हिजो सिम थियो आज टारी हुँदै छ ।
ए भावना! बाटोमा तगारा नबनिदेऊ
मानौं उनको यादको सवारी हुँदै छ ।

समर्पण
ज्योति अनिश्चित ।
२०७३-१२-०८ 

आशाको किरण हुन्छ गरीबको कुटीमा पनि ।
अन्धकार हराउँछ केवल मधुरो टुकीमा पनि ।
हो! यो मन पत्थर हो, तिमी कुँदिएकी छौ
केवल तिमी धड्किदिन्छौ ढुकढुकीमा पनि ।

ज्योति अनिश्चित
२०७३-१२-०६

ढुङ्गो पगाल्न गाल्नै पर्छ आमा ।
रिसराग द्वेष फाल्नै पर्छ आमा ।

दुश्मनभन्दा अघि हुनु छ भने
कैले कटुकदम चाल्नै पर्छ आमा ।

तिमीले रोपेको यदि बिषबृक्ष भए
जरैबाट त्यसलाई ढाल्नै पर्छ आमा ।

बाबाको मलिन मुहार देखेर सोचेँ
अन्यायविरुद्द मुद्धा हाल्नै पर्छ आमा ।

उदाङ्ग सबै कुरा पार्नु पनि हुन्न
कतिकुरा नचाही टाल्नै पर्छ आमा ।

धिपधिपे दिपको उज्यालोलाई हेर्न
अन्धकारसम्म दिप बाल्नै पर्छ आमा ।

Jyoti Anischit
3-11-2017

अब बाँकी मेरो जीवन सँगै हुने मन भो प्रिया ।
मनको नाता मनैसँग मनलाई छुने मन भो प्रिया ।

टाढा ताक्छु समिप गुम्छ,चाह छैन ठुलो मेरो
तिमी सँग साथै हाँस्ने सँगै रुने मन भो प्रिया ।

भुइँमै छु म, लक्ष्य हाम्रो धेरै टाढा भए पनि
शिखरथुम्की तिमीसँग सँगै चुम्ने मन भो प्रिया ।

बाटो हिड्दा मैलिएला जीवनपाना तिम्रो मेरो
मैलिएका पाटाहरु साथै धुने मन भो प्रिया ।

ज्योति खतिवडा अनिश्चित
२०७३ फाल्गुण ०६

तिमीसँग नबोल्ने अठोट भएपनि शुभकामना ।
बोल्न-भेट्न रोकावट भएपनि शुभकामना ।

सायद म नै गलत थिएँ होला तिमी नभएनी
सबै सँधै मेरै दोष भएपनि शुभकामना ।

लक्ष्यहिन गोरेटोमा तिमीलाई भेट्टाएँथे
तिनै पाइला अब बोझ भएपनि शुभकामना ।

मदहोशी थिएँ तिमीबिना वेहोशी नै रहेँ
मदहोश वा वेहोश भएपनि शुभकामना ।

जिन्दगीमा कति कुरा सहनुनै जाती हुन्छ
तिम्रा हजारौं आरोप भएपनि शुभकामना ।

2073. 11. 20